Cov Lus Qhia Rau Koj Li Kev Saib Xyuas

saib xyuas koj tus kheej zoo yog qhov tseem ceeb thaum koj rov qab zoo los ntawm muaj kev nyuaj siab. Lub sij hawm dhau mus, koj cov tsos mob yuav ploj mus thuam koj kho mob tas li. Txhob tso tseg. Hloov chaw, tsom koj lub zog kom tau zoo dua qub.

Koj lub siab yuav zoo tuaj. Nws tsuas yog siv sij hawm me ntsis. Tsom ntsoov rau tej yam uas yuav pab tau koj zoo, xws li nyob nrog phooj ywg thiab tsev neeg, noj cov mov zoo, thiab so kom txaus. Tiam si maj mam ua. Tsis txhob ua ntau yam sai sai. Koj yuav pib hnov maj mam zoo tuaj.

Koj yuav saib xyuas koj tus kheej hauv tsev li cas?

Ua kom muaj tseeb

• Yog tias koj muaj hauj lwm loj yuav tau ua, muab faib mus ua cov hauj lwm me uas koj tuaj yeem ua tau, thiab ua raws qhov koj ua tau.
• Tej zaum koj xav tshem tej kev txiav txim siab tseem ceeb tawm kom mus txog thaum koj qhov kev nyuaj siab tas. Yog tias koj muaj phiaj xwm uas cuam tshuam loj rau koj lub neej, xws li kev sib yuav, kev sib nrauj, los sis kev hloov hauj lwm, kom tos me ntsis. Nrog cov phooj ywg tham thiab tham nrog cov neeg uas sib hlub uas yuav pab koj saib tag nrho qhov loj ua ntej.
• Kev pab tib neeg yog qhov tseem ceeb. Txhob cais koj tus kheej. Cia koj tsev neeg thiab koj cov phooj ywg pab koj. Nrhiav ib tus neeg uas koj ntseeg siab thiab tso siab tau, thiab nrog tus neeg ntawd tham.
• Ua siab ntev, thiab ua siab zoo rau tus kheej. Nco ntsoov tias kev nyuaj siab tsis yog koj li kev txhaum thiab tsis yog ib yam uas koj tuaj yeem yeej los ntawm koj xav ib leeg. Kev kho yog ib qhov tseem ceeb rau kev nyuaj siab, ib yam li kab mob lwm yam. Kev zoo yuav siv sij hawm, thiab koj lub siab yuav maj mam zoo tuaj mus.

Nyob twj ywm

• Nrhiav hauj lwm ua thiab tawm mus sab nrauv. Taug kev ua si, los sis sim ua yeeb yam qoj ib ce.
• Tham nrog koj tus kws kho mob txog ib qhov kev tawm dag zog qoj ib ce. Kev tawm dag zog qoj ib ce yuav pab txo koj li kev nyuaj siab.
• Mus saib yeeb yaj kiab los sis mus saib kev hu nkauj. Koom kev ua si hauv pawg ntseeg los sis lwm yam kev sib sau ua ke. Mus saib ncaws pob.
• Yaum phooj ywg nrog koj noj hmo.

Hlub koj tus kheej

• Noj cov zaub mov kom zoo thiab nrog rau cov txiv hmab txiv ntoo tshiab thiab zaub kom ntau, cov txhuv nplej txhua yam, thiab cov uas muaj protein tsawg. Yog tias koj tsis qab los noj mov, noj khoom txom ncauj ntau dua cov zaub mov.
• Tsis txhob siv tshuaj txhaum cai los sis xas (tshuaj maj) thiab haus cawv. Tsis txhob noj tshuaj uas tsis tau qhia kom noj. Lawv yuav cuam tshuam nrog cov tshuaj uas koj noj kho kev nyuaj siab, los sis yuav ua rau koj txoj kev nyuaj siab hnyav dua qub.
• Noj koj cov tshuaj raws nraim li lawv tau qhia tseg. Tej zaum koj yuav pib zoo nyob li ntawm 1 mus rau 3 lub lim tiam tom qab noj tshuaj tiv thaiv kab mob. Tab sis nws tuaj yeem siv ntev li 6 txog 8 lub lim tiam kom pom ntau yam kev txhim kho. Yog tias koj muaj lus nug los sis kev txhawj xeeb txog koj cov tshuaj, los sis yog tias koj pom tias tsis muaj kev txhim kho tom qab 3 lub lim tiam, nrog koj tus kws kho mob tham.
• Txuas ntxiv noj koj cov tshuaj tom qab koj cov tsos mob zoo tuaj. Noj koj cov tshuaj tsawg kawg yog 6 lub hlis tom qab koj hnov tias zoo tuaj yeem pab kom koj tsis txhob ntxhov siab ntxiv. Yog tias nov tsis yog thawj zaug koj muaj kev ntxhov siab, koj tus kws kho mob yuav qhia kom koj noj tshuaj dua ntxiv.
• Yog tias koj muaj kev fab tshuaj, qhia koj tus kws kho mob. Kab mob ntau yam tshwm sim me thiab yuav ploj mus ntawm tus kheej tom qab koj noj tshuaj tau ob peb lub lim tiam. Qee cov tuaj yeem siv sij hawm ntev dua. Nrog koj tus kws kho mob tham yog tias cov kev mob tshwm sim cuam tshuam koj ntau zuj zus tuaj. Tej zaum koj yuav tuaj yeem sim lwm yam tshuaj.
• Sab laj txuas ntxiv. Nws tuaj yeem pab tiv thaiv kev nyuaj siab kom zoo rov qab los, tshwj xeeb tshaj yog tias koj tau muaj ntau yam kev nyuaj siab. Nrog koj tus kws sab laj tham yog tias koj tsis muaj lub sij hawm mus koom koj cov kev sib tham los sis koj xav tias cov kev sib tham tsis pab tau. Tsis txhob tso tseg xwb.
• Tau pw tsaug zog txaus. Tham nrog koj tus kws kho mob yog tias koj muaj teeb meem txog kev pw tsaug zog.
• Tsis txhob siv tshuaj tsaug zog tshwj tsis yog tias koj tus kws kho mob hais kom noj kho koj txoj kev nyuaj siab. Cov tshuaj tsaug zog tuaj yeem ua rau koj caws dab ntub thaum nruab hnub, thiab yuav cuam tshuam nrog lwm yam tshuaj uas koj noj.
• Yog tias koj muaj lwm yam mob, xws li ntshav qab zib, mob plawv, los sis ntshav siab, nco ntsoov kho koj tus mob ntxiv. Qhia rau koj tus kws kho mob txog txhua yam tshuaj uas koj noj, xws li cov tshuaj uas tau tso cai los sis tsis tau tso cai los ntawm tus kws kho mob.

Qhov twg tuaj yeem mus thov kev pab tau hauv 24 teev, 7 hnub hauv ib lub lim tiam

Yog tias koj los sis ib tus neeg uas koj paub tham txog kev tua nws tus kheej, tsim txom tus kheej, teeb meem txog puas siab puas ntsws, teeb meem siv yeeb tshuaj, los sis lwm yam kev ntxhov siab, thov tau kev pab tam sim ntawd. Koj tuaj yeem:

• Hu Rau Tus Xov Tooj Pab Thaum Muaj Kev Xav Txov Txoj Sia Los thiab Teeb Meem Kub Ceev (Suicide and Crisis Lifeline) ntawm 988.
• Hu rau 1-800-273-THAM (1-800-273-8255).
• Sau Lo lus HOME xa rau 741741 txhawm rau kom nkag tau rau Tus Xov Tooj Xa Ntawv Thaum Muaj Xwm Kub Ceev (Crisis Text Line).

Muab cov lej no khaws cia rau hauv koj lub xov tooj.

Mus rau 988lifeline.org yog xav paub ntxiv los yog sib tham hauv online.

Koj yuav tsum hu nrhiav kev pab thaum twg?

Hu 911 tau txhua lub sij hawm koj xav tias tej zaum yuav xav tau kev saib xyuas xwm txheej ceev. Piv txwv li, hu rau yog tias:

• Koj xav tias ua rau koj tus kheej los sis lwm tus raug mob.
• Ib tug neeg uas koj paub tias muaj kev nyuaj siab thiab xav tua los yog sim tua nws tus kheej.

Qhov twg tuaj yeem mus thov kev pab tau hauv 24 teev, 7 hnub hauv ib lub lim tiam

Yog tias koj los sis ib tus neeg uas koj paub tham txog kev tua nws tus kheej, tsim txom tus kheej, teeb meem txog puas siab puas ntsws, teeb meem siv yeeb tshuaj, los sis lwm yam kev ntxhov siab, thov tau kev pab tam sim ntawd. Koj tuaj yeem:

• Hu rau kev tua tus kheej thiab Lub neej muaj qhov phom sij (Crisis Lifeline) ntawm 988.
• Hu rau 1-800-273-THAM (1-800-273-8255).
• Sau Lo lus HOME xa rau 741741 txhawm rau kom txuas tau rau qhov xa ntawv txog kev phom sij (Crisis Text Line).

Muab cov lej no khaws cia rau hauv koj lub xov tooj.

Mus rau 988lifeline.org yog xav paub ntxiv los yog sib tham hauv online.

Hu rau koj tus kws kho mob tam sim no los sis mus ntsib kws kho mob tam sim ntawd yog tias:

• Koj hnov cov suab.
• Qee tus neeg koj paub muaj kev nyuaj siab thiab:
  • Pib muab khoom pov tseg.
  • Siv cov tshuaj txhaum cai los sis haus dej cawv ntau.
  • Tham txog los sis sau txog kev tuag, suav nrog sau ntawv yus tua yus thiab tham txog rab phom, riam, los sis ntsiav tshuaj.
  • Pib siv sij hawm ntau nyob ib leeg.
  • Kev ua quab yuam heev los sis nyob-nyob cia li siav tu tam sim ntawd.

Saib kom zoo cov kev hloov pauv hauv koj li kev noj qab haus huv, thiab nco ntsoov hu rau koj tus kws kho mob yog tias:

• Koj tsis tau zoo dua li qhov kev xav tseg.