Koj yuav saib xyuas koj tus kheej hauv tsev li cas?
- Noj koj cov tshuaj raws nraim li lawv tau qhia tseg. Yog koj noj tshuaj pab tiv thaiv kev ntxhov siab, koj yuav hnov zoo nyob li ntawm 1 mus rau 3 lim tiam. Tab sis nws tuaj yeem siv ntev li 6 txog 8 lub lim tiam kom pom ntau yam kev txhim kho. Yog tias koj muaj lus nug los sis kev txhawj xeeb txog koj cov tshuaj, los sis yog tias koj tsis pom tias muaj kev txhim kho tom qab 3 lub lim tiam, nrog koj tus kws kho mob tham.
- Mus thov koj qhov kev sab laj muab tswv yim thiab kev teem caij soj qab xyuas.
- Paub txog thiab lees txais koj kev ntxhov siab. Tom qab ntawd, thaum koj nyob rau hauv qhov xwm txheej kev ntxiv siab, hais rau koj tus kheej, "Qhov no tsis yog xwm txheej ceev. Kuv xav tias tsis xis nyob, tab sis kuv tsis muaj kev phom sij. Kuv tuaj yeem ua mus ntxiv txawm tias kuv ntxhov siab los xij."
- Ua siab zoo rau koj lub cev:
- So kom txaus.
- Tau txais kev tawm dag zog yam tsawg 30 feeb hauv cov hnub feem ntau ntawm lub lim tiam. Kev taug kev yog qhov kev xaiv zoo. Koj kuj tseem yuav xav ua lwm yam kev ua si, xws li khiav, ua luam dej, caij tsheb kauj vab, los sis ua si ntaus pob thee niv los sis pab pawg kis las.
- Zam kev haus dej haus cawv, muaj caffeine, nicotine, tshuaj maj thiab haus yeeb tshuaj txhaum cai. Lawv tuaj yeem ua rau koj cov tsos mob hnyav ntxiv.
- Cov tswv yim los kawm tiab txo kom siab tus. Saib hauv qab no ntxiv rau cov tswv yim no.
- Sau koj cov tsos mob cia. Sib tham txog koj qhov kev ntshai nrog ib tus phooj ywg zoo los sis ib tus neeg hauv koj tsev neeg, los sis koom nrog pawg neeg txhawb nqa rau cov neeg uas muaj teeb meem zoo sib xws. Kev tham nrog lwm tus qee zaus yuav txo tau txoj kev ntxhov siab.
- Txuas nrog rau lwm tus. Koom nrog hauv cov pab pawg, los sis ua hauj lwm pab dawb rau lwm tus. Los sis tawm thiab ua qee yam uas koj nyiam. Saib yeeb yaj kiab, los sis mus taug kev los sis nce roob nrog ib tug phooj ywg.
Cov tswv yim los txo kom siab tus
Ua kev tawm dag zog 10 txog rau 20 feeb nyob rau ib hnub. Koj tuaj yeem tso cov suab paj nruag maj mam, so kom txaus thaum koj ua lawv, yog tias koj xav tau.
- Qhia lwm tus hauv koj lub tsev tias koj yuav tawm dag zog kom txo tau lub siab tus. Hais kom lawv tsis txhob cuam tshuam koj.
- Nrhiav qhov chaw xis nyob, nyob kom deb ntawm txhua qhov kev cuam tshuam thiab suab nrov.
- Pw nrog koj sab nraum qab, los sis zaum nrog koj sab nraub qaum ncaj.
- Tsom rau koj li kev ua pa. Ua kom nws qeeb thiab xwm yeem.
- Ua pa tawm hauv koj lub qhov ntswg. Ua pa tawm los ntawm koj lub qhov ntswg los sis qhov ncauj.
- Ua pa kom tob, txhawm rau thaj chaw ntawm koj lub ntaws thiab koj tus tav. Ua pa kom koj lub plab nce thiab nqis.
- Tsis npo koj li kev ua pa.
- Ua pa zoo li no rau 5 txog rau 10 feeb. Ua kom pom tias lub siab txias txhua qhov ntawm lub cev.
Thaum koj pheej ua pa qeeb-qeeb thiab ua tob-tob, so ua tej yam hauv qab no rau lwm 5 txog rau 10 feeb:
- Ua kom nruj thiab so txhua feem ntawm koj lub cev. Koj tuaj yeem pib ntawm koj cov ntiv taw thiab ua hauj lwm koj txoj kev ntawm koj lub taub hau.
- Xav txog koj cov feem nqaij mob ua kom so thiab ua ntau.
- Ua kom koj lub siab hu si ntawm txhua qhov kev xav.
- Cia koj tus kheej so kom txaus thiab tob dua.
- Paub txog lub xeev kev ntxhov siab uas nyob ib puag ncig koj.
- Thaum koj so lub sij hawm txaus, koj tuaj yeem coj koj tus kheej rov qab los ntawm kev ua kom lub cev rov qab mus los ntawm kev txav koj tus ntiv tes thiab ntiv taw thiab tom qab ntawd koj txhais tes thiab ko taw thiab tom qab ncab thiab txav koj lub cev tag nrho. Qee zaum cov neeg tsaug zog thaum so, tab sis lawv feem ntau sawv tom qab tsis ntev.
- Nco ntsoov muab sij hawm rau koj tus kheej kom rov qab mus rau qhov kev paub ceev faj ua ntej koj tsav ib lub tsheb los sis ua ib yam dab tsi uas yuav ua rau muaj xwm txheej yog tias koj tsis paub txaus. Tsis txhob ua ib daim kab xev so kom zoo thaum koj tsav tsheb.
Paub yuav tau txais kev pab li cas
Qhov twg tuaj yeem mus thov kev pab tau hauv 24 teev, 7 hnub hauv ib lub lim tiam
Yog tias koj los sis ib tus neeg uas koj paub tham txog kev tua nws tus kheej, tsim txom tus kheej, teeb meem txog puas siab puas ntsws, teeb meem siv yeeb tshuaj, los sis lwm yam kev ntxhov siab, thov tau kev pab tam sim ntawd. Koj tuaj yeem:
- Hu Rau Tus Xov Tooj Pab Thaum Muaj Kev Xav Txov Txoj Sia Los thiab Teeb Meem Kub Ceev (Suicide and Crisis Lifeline) ntawm 988.
- Hu rau 1-800-273-THAM (1-800-273-8255).
- Sau Lo lus HOME xa rau 741741 txhawm rau kom nkag tau rau Tus Xov Tooj Xa Ntawv Thaum Muaj Xwm Kub Ceev (Crisis Text Line).
Muab cov lej no khaws cia rau hauv koj lub xov tooj.
Mus rau 988lifeline.org yog xav paub ntxiv los yog sib tham hauv online.
Informed: Living Well