Lus Qhia Txhua Yam

Thaum lub caij ua rau ceeb ntshai, tej zaum koj yuav muaj qhov ntshai los sis kev ntshai, ua tsis taus pa, mob hauv siab los sis nruj hauv siab, hloov pauv lub plawv dhia, kiv taub hau, tawm hws, thiab tshee. Kev ceeb ntshai yuav pib sai thiab feem ntau kav li 5 txog rau 20 feeb tab sis tuaj yeem siv sij hawm ntev dua. Qhov kev tawm tsam tuaj yeem pib nrog qhov kev ntxhov siab. Los sis nws tuaj yeem tshwm sim yam tsis muaj laj thawj.

Txawm hais tias kev tawm tsam txaus ntshai tuaj yeem ua rau pom kev txaus ntshai, koj tuaj yeem kawm tswj hwm lawv nrog kev saib xyuas tus kheej, kev sib tham, thiab tshuaj.

Koj tuaj yeem saib xyuas koj tus kheej hauv tsev li cas?

• Noj koj cov tshuaj raws nraim li tau qhia tseg. Hu rau koj tus kws kho mob yog tias koj xav tias koj muaj teeb meem nrog koj cov tshuaj.
• Mus thov koj qhov kev sab laj muab tswv yim thiab kev teem caij soj qab xyuas.
• Paub txog thiab lees txais koj kev ntxhov siab. Tom qab ntawd, thaum koj nyob rau hauv qhov xwm txheej kev ntxiv siab, hais rau koj tus kheej, "Qhov no tsis yog xwm txheej ceev. Kuv xav tias tsis xis nyob, tab sis kuv tsis muaj kev phom sij. Kuv tuaj yeem ua mus ntxiv txawm tias kuv ntxhov siab los xij."
• Ua siab zoo rau koj lub cev:
  • Txo cov leeg nruj nrog kev qoj ib ce los sis zaws.
  • So kom txaus.
  • Zam kev haus dej haus cawv, cov dej muaj caffeine, kuab nicotine, thiab siv yeeb siv tshuaj tsis raug cai. Lawv tuaj yeem ua rau koj muaj kev ntxhov siab ntxiv, ua teeb meem tsaug zog, los sis ua rau muaj kev ceeb ntshai.
  • Kawm thiab ua cov tswv yim kev txo kom siab tus. Saib hauv qab no ntxiv rau cov tswv yim no.
• Koom nrog koj lub siab. Tawm thiab ua qee yam uas koj nyiam. Mus saib yeeb yaj kiab lom zem, los sis mus taug kev los sis nce roob. Npaj koj hnub mus ub mus no. Muaj ntau dhau los sis tsawg dhau ua yuav ua rau koj ntxhov siab tau.
• Sau koj cov tsos mob cia. Sib tham txog koj qhov kev ntshai nrog ib tus phooj ywg zoo los sis ib tus neeg hauv koj tsev neeg, los sis koom nrog pawg neeg txhawb nqa rau cov neeg uas muaj teeb meem zoo sib xws. Kev tham nrog lwm tus qee zaus yuav txo tau txoj kev ntxhov siab.
• Koom nrog hauv cov pab pawg, los sis ua hauj lwm pab dawb rau lwm tus. Nyob ib leeg qee zaum ua rau txhua yam tsis zoo hnov tias phem dua qub.
• Nqaug kev tawm dag zog tsawg kawg 30 feeb nyob rau feem ntau hnub ntawm lub lim tiam los txo kev ntxhov siab. Kev taug kev yog qhov kev xaiv zoo. Koj kuj tseem yuav xav ua lwm yam kev ua si, xws li khiav, ua luam dej, caij tsheb kauj vab, los sis ua si ntaus pob thee niv los sis pab pawg kis las.

Cov tswv yim los txo kom siab tus

Ua kev tawm dag zog li 10 txog rau 20 feeb nyob rau ib hnub. Koj tuaj yeem tso cov suab paj nruag maj mam, so kom txaus thaum koj ua lawv, yog tias koj xav tau.

• Qhia lwm tus hauv koj lub tsev tias koj yuav tawm dag zog kom txo tau lub siab tus. Hais kom lawv tsis txhob cuam tshuam koj.
• Nrhiav qhov chaw xis nyob, nyob kom deb ntawm txhua qhov kev cuam tshuam thiab suab nrov.
• Pw nrog koj sab nraum qab, los sis zaum nrog koj sab nraub qaum ncaj.
• Tsom rau koj li kev ua pa. Ua kom nws qeeb thiab xwm yeem.
• Ua pa tawm hauv koj lub qhov ntswg. Ua pa tawm los ntawm koj lub qhov ntswg los sis qhov ncauj.
• Ua pa kom tob, txhawm rau thaj chaw ntawm koj lub ntaws thiab koj tus tav. Ua pa kom koj lub plab nce thiab nqis.
• Tsis npo koj li kev ua pa.
• Ua pa zoo li no rau 5 txog rau 10 feeb. Ua kom pom tias lub siab txias txhua qhov ntawm lub cev.

Thaum koj pheej ua pa qeeb-qeeb thiab ua tob-tob, so ua tej yam hauv qab no rau lwm 5 txog rau 10 feeb:

• Ua kom nruj thiab so txhua feem ntawm koj lub cev. Koj tuaj yeem pib ntawm koj cov ntiv taw thiab ua hauj lwm koj txoj kev ntawm koj lub taub hau.
• Xav txog koj cov feem nqaij mob ua kom so thiab ua ntau.
• Ua kom koj lub siab hu si ntawm txhua qhov kev xav.
• Cia koj tus kheej so kom txaus thiab tob dua.
• Paub txog lub xeev kev ntxhov siab uas nyob ib puag ncig koj.
• Thaum koj so lub sij hawm txaus, koj tuaj yeem coj koj tus kheej rov qab los ntawm kev ua kom lub cev rov qab mus los ntawm kev txav koj tus ntiv tes thiab ntiv taw thiab tom qab ntawd koj txhais tes thiab ko taw thiab tom qab ncab thiab txav koj lub cev tag nrho. Qee zaum cov neeg tsaug zog thaum so, tab sis lawv feem ntau sawv tom qab tsis ntev.
• Nco ntsoov muab sij hawm rau koj tus kheej kom rov qab mus rau qhov kev paub ceev faj ua ntej koj tsav ib lub tsheb los sis ua ib yam dab tsi uas yuav ua rau muaj xwm txheej yog tias koj tsis paub txaus. Tsis txhob ua ib daim kab xev so thaum tsav tsheb.

Koj yuav tsum hu nrhiav kev pab thaum twg?

Hu 911 tau txhua lub sij hawm koj xav tias tej zaum yuav xav tau kev saib xyuas xwm txheej ceev. Piv txwv li, hu rau yog tias:

• Koj xav tias koj tsis tuaj yeem nres los ntawm kev ua kom koj tus kheej los sis lwm tus raug mob.

Qhov twg tuaj yeem mus thov kev pab tau hauv 24 teev, 7 hnub hauv ib lub lim tiam

Yog tias koj los sis ib tus neeg uas koj paub tham txog kev tua nws tus kheej, tsim txom tus kheej, teeb meem txog puas siab puas ntsws, teeb meem siv yeeb tshuaj, los sis lwm yam kev ntxhov siab, thov tau kev pab tam sim ntawd. Koj tuaj yeem:

• Hu Rau Tus Xov Tooj Pab Thaum Muaj Kev Xav Txov Txoj Sia Los thiab Teeb Meem Kub Ceev (Suicide and Crisis Lifeline) ntawm 988.
• Hu rau 1-800-273-THAM (1-800-273-8255).
• Sau Lo lus HOME xa rau 741741 txhawm rau kom nkag tau rau Tus Xov Tooj Xa Ntawv Thaum Muaj Xwm Kub Ceev (Crisis Text Line).

Muab cov lej no khaws cia rau hauv koj lub xov tooj.

Mus rau 988lifeline.org yog xav paub ntxiv los yog sib tham hauv online.

Saib kom zoo cov kev hloov pauv hauv koj li kev noj qab haus huv, thiab nco ntsoov hu rau koj tus kws kho mob yog tias:

• Koj kev ceeb ntshai ntau ntxiv tuaj.
• Koj muaj kev ntxhov siab tshiab los sis sib txawv.
• Koj tsis zoo raws qhov kev xav tseg.